هي وزوجي الفصل 1: الفصل 5

من وقت ما كلمتك روحت لاقيتها لسه بتشتغل رغم ميعاد إنصراف شغلها فات عليه ساعة.
عقب علي حديثها صوت رجولي 
واضح إن الآنسة غادة بتحب شغلها جدا.
أنتبهت إليه و رمقته بإستفهام و دهشة من معرفته لإسمها هيهات و وقف ليمد يده إليها قائلا 
عاصم الدهبي أرجو ماتكونيش نستيني.
ظلت صامتة لثوان حتي تدرك الموقف حدجت صديقتها بتوعد ثم صافحت هذا المنتظر و يمد يده 
أهلا أستاذ عاصم.
طيب بقي يا عصوم أنا هاخد نوران عشان رايحين نشتري حاجات خدو راحتكم لحد ما نرجع. 
قالها مهاب أقتربت نوران من غادة و أخبرتها بهمس 
معلش بقي أنتي الي أتضطرتيني أعملك كمين لو كنت قولتلك كان زمانك مخترعالي مليون حجة أقعدي بس و أتكلمي معاه عاصم شاب جدع جدا و بإذن الله هايكون ليكم نصيب مع بعض.
أبتعدت بعدما رأت نيران مندلعة من عينين صديقتها فقالت بصوت يسمعه جميعهم 
ساعة و راجعه لك يادودو.
و ذهبت برفقة خطيبها ظلت غادة تقف في مكانها لم تتحرك إلا عندما تحمحم عاصم الذي جذب كرسي لها بنبل و وداعة قائلا 
أتفضلي يا آنسة غادة.
ترددت قليلا و طيف إبتسامة رمقته بها 
شكرا.
جلست فذهب ليجلس في الكرسي المقابل لها أستند بساعديه علي المنضدة و سألها 
تحبي تشربي أي
أومأت بخجل و حرج قائلة
شكرا مفيش داعي.
تسمحي لي أطلب لك علي زوقي و أتمني يعجبك.
أومأت علي مضض قائلة 
إن شاء الله.
أستشعر عدم رغبتها بالبقاء معه و هذا من كثرة تلفتها حول نفسها و كأنها تخشي أن يراها أحد سألها 
هو حضرتك مستنية حد ولا متضايقة من وجودي
طيف إبتسامة أرتسم علي شفاها و قالت 
خالص بس مش متعودة أقابل راجل غريب خارج نطاق الشغل.
رفع زواية فمه بإبتسامة فرح فها هي كما أخبره صديقه مهاب فتاة خجولة و ليس لديها أي علاقات سابقة أو حالية بأي رجل رغما من عملها في وسط الرجال في الشركة لكنها تتمتع بشخصية ناجحة و مثابرة و مسئولةعلي غرار كل ما قابلهن في حياته من فتيات مدللات وأخريات متحررات لايخافن ولا يخجلن و هن برفقتهطالما بحث عن فتاة ذات خلق و مبادئ كما يخبره والده المتسلط دائما بتلك العبارة
الراجل مننا يا عاصم يابنييلف و يدور يحب ديه ويمشي مع التانيةبس يوم ما يجي يتجوزياخد واحدة متربية وبنت أصول تحافظ علي بيتك في غيابك قبل وجودك!.
وجد أن يدلف إلي الحديث مباشرة فقال 
مش هطول علي حضرتك كتير أنا زي ما عرفتي أبقي صاحب مهاب وشغالين مع بعض في شركة ميكرو للبرمجة و إعادة تصنيع الكمبيوتر من الألف للياء و اليومين دول بحضر أفتح شركة خاصة بيا و مستني شحنة معدات و أجهزة هاتوصل قريب إن شاء الله.
أومأت له و علقت بإقتضاب 
بالتوفيق.
عاد بظهره إلي الوراء و عينيه تتفحص كل إنش بها ملامحها ذات الجمال الناعم و الهادئ منذ أن رآها في الحفل و علم عنها كل
شئ أنجذب إليها لا سيما أخبره صاحبه إنها صعب أن توافق علي الزواج فهي مرتبطة بوالدتها وشقيقتها بشدة ولا تريد الزواج و تركهم فكانت بالنسبة إليه تحدي و يجب عليه أن يظفر بموافقتها.
أنا عندي ٣٣ سنة مليش أخوات عايش مع والدي بس مش مقيم معاه لأنه عايش في البلد مع أخواته و بياخد باله من الأراضي هناك أصله يبقي كبير العيلة بعد جدي الله يرحمه.
تناول كأس العصير الذي وضعه النادل أمامه للتو أرتشف منه قليلا ثم سألها 
تحبي تحكي لي عن نفسك شوية لو مفيش مانع!
تناولت كأس العصير الذي أمامها و كأنه منقذها من الإجابة تشعر بثقل يجثو علي صدرها لم تكن مستعدة إلي ذلك اللقاء و لم تفكر يوما بتلك الأمور فكل شاغلها الشاغل هو عملها و والدتها و شقيقتها فقط.
تركت الكأس و تناولت محرمة ورقية مسحت أثر العصير من شفتيها و قالت 
أنا حياتي عملية جدا أتخرجت من الكلية بتقدير الحمدلله خلاني حصلت علي وظيفتي مهندسة في شركة عقارات و بإذن الله بسعي عشان أوصل و يكون عندي شركة خاصة بيا و أحقق حلم بابا الله يرحمه.
تنهد بسأم يريد أن يدلف إليها من ثغرة ما و ها هي تغلق كل السبل أمامه. 
أنا معاكي جدا في الي قولتيه الطموح حلو والسعي إنك توصلي ده أجمل بس الحياة مش كلها شغل و أنك تفني عمرك فيه أقصد إن فيه أولويات زي الجواز و تكوين أسرة و دور الست الأساسي هو تربية الأولاد قبل أي حاجة.
أستنتجت من تعابير وجهه و كلماته حول المرأة إنه مثله مثل أبناء جنسه و هم أنصار أن المرأة خلقت للزواج و الإنجاب وتربية الأولاد و كأن النجاح في أي مجال قد أنحصر علي رجال آدم فقط!.
بغض النظر إن مش بتفق معاك في كل الي ذكرته لأني مؤمنة إن الست زيها زي الراجل يمكن مسئوليتها بقت أكتر منه في وقتنا الحالي لكن هاكلمك عن ظروفي الشخصية و هي أنا مسئولة عن أختي لحد ما تتجوز وماينفعش أتجوز و أسيب ماما يعني لازم أكون معاها أنا الي بفهمها من مجرد نظرة عينيها و بعتني بيها في كل حاجة أكل وعلاج ماما ليها ظروف خاصة و بتهيألي مفيش راجل يقبل يتجوز واحدة و ياخد عيلتها يعيشو معاه.
ألقت كلماتها و ترقبت تعليقه التي تتوقعه لكنه أخفق توقعها و أخبرها بما جعل الصدمة تغزو ملامح وجهها 
أنا عارف كل ظروفك و موافق أن مامتك وأختك يعيشو معانا أهلك هيبقو أهلي.
عاد من الخارج فوجد والده ينتظره في الردهة أعتلت ثغره إبتسامة يشوبها القلق من ملامح والده المتجهمة 
حمدالله علي السلامة يا بابا حضرتك جيت أمتي
أجاب الأخر بإقتضاب 
من الصبح.
ترك الأخر متعلقاته علي المنضدة و جلس بجوار والده قائلا 
منور يا حاج أعمامي و عماتي وعيالهم عاملين أي
أخبره الأخر بنبرة صارمة لا رجعة فيها 
عمك عبدالعليم مستنيك تيجي عشان تقرأ فاتحتك علي سهام بنته.
قهقه عاصم بتهكم علي كلمات والده التي يكررها كلما أتي إليه توقف فجاءة عندما صاح والده بصوت هادر 
و عشان قلة أدبك و أنت بتضحك و بتسخر من كلامي لتقوم ترجع معايا علي البلد و تعمل الي قولتلك عليه.
نهض و أبتعد قليلا في مواجهة والده يخبره برفض تام 
و أنا بقول لحضرتك مش موافق وعمري ما هاتجوز بطريقة حضرتك و قولتلك يوم ما هاتجوز هاتجوز واحدة أنا الي هختارها سهام لسه عيلة في ثانوي و أنا كبير عليها.
دك والده عصاه الأبنوسية في الأرض و قال 
و أي يعني فرق العمر ما أمك أتجوزتها و هي عيلة عندها ١٥ سنة وأنا كنت ٣٠.
إبتسم بتهكم و عقب علي حديث والده 
يا بابا ده كان زمان دلوقتي الدنيا أتغيرت وبصراحة أنا كنت هاكلمك علي أي حال عشان أقولك أنا خلاص قررت أتجوز و لاقيت البنت الي نفسي فيها في مستوايا الإجتماعي والعلمي ومحترمة جدا.
نهض والده و دك عصاه مرة أخري قائلا 
و أنا مش هاخسر أخويا و لو معملتش الي قولتلك لا أنت أبني ولا أعرفك.
هم بالمغادرة أمسكه إبنه و أوقفه 
أستني بس يا باباالكلام أخد و عطا عمي