حب بلا ثمن ج2 الفصل 13 إلي 15

أستحالة نكمل مع بعض بلاش تزعل يا بابا ..كانت تتحدث بتلك الكلمات التي جعلت قلبه يختلجه الهم فهي تفكر جديا أن تتركه.. نفض رأسه من التفكير في ذلك الشىء حاليا وقام من جوارها متجها الي غرفة الثياب التقط أسدالها بسرعة ورجع من جديد وهو يقول بلهفة
سلمي ساعدني وقومي ألبسى الأسدال عشان أنادي مهاب يشوف إيه سبب الحرارة دي..
كان جسدها يرتخي بين يديه وهو يحاول مساعدتها في أرتداء الاسدال وكانت تستند برأسها علي صدره الصلب كالطفل الذي يلجأ الي حضن والدته في شدة مرضه.. انتهي من لف حجابها وهو يخفي خصلات شعرها الناعم ثم أسندها من جديد ومشي صوب الباب بخطآ واسع ليصل الي غرفة مهاب ويدق بشدة ولهفة..
داخل غرفة مهاب كان يتحدث الي سجي في هاتفه وعندما سمع الطرقات أعتدل بجذعه وهو يقول
في حد بيخبط عليا هشوف مين وأرجع أكلمك تاني يا قلبي .. ثم أغلق الهاتف بعد ان وصل الي الباب ففتحه ليجد ياسين الذي يعتلي وجهه القلق والخۏف
ياسين!!!في ايه يا بني مالك بتخبط كدا هو انا قاعد ورا الباب..
مش وقته يا مهاب .. المهم تعالي معايا عشان سلمي تعبانة اوي وحرارتها مرتفعة..
ماشى ثواني هيجيب الشنطة بتاعتي وجاي ..قالها وهو يدلف الي الداخل ليحضر حقيبته..في حين ذهب ياسين سريعا الي غرفته من جديد
ياسين دي حرارتها فوق الأربعين لازم حرارتها تنزل حااالا .. قالها مهاب بعد ان كشف علي سلمي تحت نظرات ياسين القلقة ليقول بتوتر
ودي هتنزل ازاي يا مهاب !
مهاب بعملية
تنزل تحت الدش بسرعة يا ياسين بس ماية باردة مش سخونة والعلاج ده انا هبعت حد من الحرس يجبه تكون انت اتصرفت .. فهمتني!!
هز رأسه وهو يبتلع ريقه بتوتر.. في حين خرج مهاب واقترب هو منها وحملها بين ذراعيه متجها الي صوب المرحاض.. أوقفها وفتح الميآه لتنزل عليها كالمطر شديد البرودة في ليلة شتاء قارسة عاصفة..رفعت عينيها تتمعن النظر اليه وهي تصطك بفكيها بعضها البعض تشعر بالأرتجاف .. رفع كفه يمسح علي شعرها و وجهها بحنان كمن يملس علي قطة ترتعش..
لتقول هي في خلدها وهي تري أهتمامه وخوفه البادي علي وجهه 
أنت شيطان ولا ملاك ولا إيه حكايتك بالظبط..
وكأنه يفهم ما يدور في نفسها ليقول بعيناه دون التحدث
أنا مش وحش بس اديني فرص واحدة..
أيمكن للعيون أن تفهم علي بعضها البعض!نعم فهي عيون عاشقة متيمة
كانت تلم ثيابها بيدها تحاول أن تدري جسدها الظاهر بخجل وتوتر..في حين سحب هو منشفة كبيرة وطوقها بيها وعيناه تطمأنها بأن لا تخاف منه فهو سيحميها حتي من شيطان نفسه ..
ريثما كان يدثرها في الفراش جيدا سمع طرقات الباب مشي اليه وفتحه
خد يا ياسين العلاج دي أنا كتبت كل حاجة في الروشتة دي بس عايزاك بكرة تأخد سلمي وتعملها التحليل دي..قالها مهاب وهو يعطيه كيس بيه بعض الأدوية و ورقة مدون بها بعض التحليل اللازمة..
استطرد ياسين بقلق
تحليل ليه يا مهاب!! أنت شاكك في حاجة..
أماء له مهاب وهو يقول
بصراحة شاكك ان سلمي حامل بس خلينا نتأكد..
رد بتلعثم
إيه!!!! حااااامل...
________________________
يوم جديد
بارك الله لكم وبارك عليكم وجمع بينكم في خير .. قالها المأذون بعد أنهي كتب كتاب مهاب مصعب الالفي و سجي علي السباعي.. قام مهاب وطبع قبلة علي مقدمة رأس سجي وهو يقول
مبروك يا زوجة مهاب مصعب الألفي..
أرتجفت أوصالها و ردت بخجل
الله يبارك فيك..
خرجا من مكتب المأذون وأستقلا السيارة وذهب بها..
سجي بتساؤل
إحنا رايحين فين يا مهاب!
غمزها والتقطت يدها وطبع قبلة علي باطن كفها وهو يقول بسعادة
حجزت في فندق يا قلبي هنروح ننسي الدنيا كلها مش عايزاك تفكري في أي حاجة غيري أنا وبس وزي ما بيقولوا هنسرق من الوقت شوية سعادة..
تشعر بالسعادة لكونها أصبحت زوجته ولكن يوجد شىء ېصرخ بداخلها ويقول
تراجعي.. هذا خطأ جثيم .. والدتك لا تستحق منك هذا .. والدك يريد أن يتطلع اليك بفستانك الابيض.. يريدك أن تخرجي من بيتك ملكة متوجة.. لماذا تسرقي من الوقت بعض السعادة!!لماذا لا تكون السعادة كاملة بعلم الجميع.. كلها تساؤلات تجتاحها
.. أختلست منه نظرة ل تري مدي سعادته وهو يغني بدندنا فتلك هي عادته عندما يفرح
وقابلتك أنت لقيتك بتغير كل حياااااتي.. ما أعرفش إزاي انا حبيتك ما أعرفش إزاي يا حياتي.. من همسة حب لقتني باحب..لقتني باحب وأدوب في الحب وصبح وليل علي بابه.. أنهي جملته وهو يسحبها لتستقر بين أحضانه وهو يطبع قبلة علي رأسها..
______________
أتصال من الخارج
الحكومة خدت خبر عن الشاحنة يا شريف.. موتك علي إيدنا..
شريف بأرتجاف
متخافش يا باشا انا سيطرت علي الموقف..
سيطرت بإنك ټخطف زوجة رائد..ثم بنبرة أعلي
شوف اللواء اللي ماسك العملية دي وأختطف زوجته أو أهله كلهم المهم تتصرف يا شريف .. الشحنة دي برأسك أنت وعلتك كلها..
حاضر يا باشا حاضر.. أنا هتصرف..
أغلق الخط وأجري أتصل أخر بطاعون
أسمع يا طاعون أخطف أي حد من عيلة اللواء فياض..
طاعون

تحت أمرك يا باشا..
ومتنساش تدي السنيورة اللي عندك جرعة هيروين..
ماشي يا باشا
اغلق الهاتف ونظر بشيطانية وتحدث
أنت السبب يا بنت ال تتتتت.. بس ماشي عذابك هيكون علي إيدي..
__________________
يتبع