بقلم ندي محمد
الوضع سوء
رزان مسحت دموعها و راحت الحمام تغسل وشها
ماما انا هبات مع تميم انهارده فالمستشفي
٪لا يا حبيبتي روحي انتي وانا هفضل معاه
لا يا ماما انا لازم افضل معاه
٪ يا رزان مش هينفع .. بعدين انتي ناسيه انك مخطوبه ! فين اياد صحيح المفروض انه وصل قبلي
زعقت فيه ومشي ..
٪ ايه !! طيب ليه عملتي كدا يا بنتي
٪ ليه يا بنتي ! مش كنتي بتحبيه !!
رزان كانت هتقول لمامتها انها لعبه واتفاق بس مقدرتش تقولها .. هتقولها ازاي ان بنتها اتفقت مع واحد عشان يمثل انه خطيبها و يخدع الكل
ايوا يا ماما بحبه بس خلاص مفيش نصيب
٪ روحي بس البيت واهدي كدا و انا اهو قاعده مع تميم وهكلم اياد و اصالحكم علي بعض
٪ يلا روحي البيت احسن ابوكي يتخض لما يروح البيت ويلاقي مفيش حد .. ومتقوليلهوش علي عمتك فاطمه غير لما يرجع البيت احسن يكون فعمليه و يأذي المړيض الي بيعمله العمليه لما يسمع الخبر .. كان بيعتبرها زي اخته و كان بيرعاها هي و تميم بعد وفاه اخوه الله يرحمه
يا ماما بس انا عايزه اقعد مع تميم !!
و كملت كلام ف سرها ٪ وبعدين يا رزان تميم بيحبك وانتي معتبراه اخوكي .. لو وقفتي جمبه ففترته الصعبه دي هيتحسن و يرجع زي الاول بس هيحبك اكتر من الاول وهيتأذي فالاخر لما ېتصدم بفرحكم ..
رزان روحت البيت وهي متضايقه .. بس الي كان مصبرها ان اياد اكيد لما مامتها تتصل بيه هيقولها انه مش عايز يكمل مع بنتها .. بما انه عايز ينهي الاتفاق ف اكيد هيقولها كدا و بكدا هتخلص من حوار اياد من غير لما تقول لاهلها علي حوار الاتفاق
بس فوقت الفجر رجع تميم لحالته الطبيعيه و شاف مامت رزان نايمه عالكنبه .. طبعا اټصدم اكتر وقتها لانه كان فاكر ان لما يقع ف ازمه هتكون رزان اول واحده تقف جمبه .. وانها مش هتسيبه للحظه واحده حتي .. زي م هو كمان مستعد يعمل دا عشانها بس لما شاف ام رزان وقتها اتأكد اكتر واكتر من كلام ام رزان انها بتعتبره اخوها وانها بتحب اياد .. واكيد كمان اياد الي قالها متباتش مع تميم وتسيب مامتها مكانها
يتبع
تفتكرو ايه هيحصل
البارت الثامن
٪ ايوه يا اياد .. انا اتصلت عشان اصالحك انت و رزان علي بعض .. رزان قالتلي انكم اتخانقتو امبارح وشديتو مع بعض .. عادي يبني الخلاف بيحصل بين اي اتنين
للاسف يا طنط انا و رزان مش هينفع نرجع لبعض تاني .. دا كان اتفاق من الاول بينا اني هلعب دور خطيبها لمده شهرين بس انا وهي مكنش فيه بينا اي حاجه فالاول .. بس خلاص انا نهيت الاتفاق دا امبارح
للاسف دي الحقيقه
٪ طيب تعالي عندي المستشفي و لما توصل كلمني و هطلع اقابلك برا
بس خلاص انتهت كل حاجه بيني و بين رزان ف ليه اجيلك !
بقلم magnona chan
بس ملحقش يكمل كلامه لان ام رزان قفلت المكالمه
قامت من عالكنبه وبصت علي تميم الي كان نايم وبعدها خرجت من الاوضه
اياد رن عليها وقالها انه وصل قدام المستشفي ف خرجت برا المستشفي
٪ تعالي نروح ف كافيه عشان عايزه اتكلم معاك
اياد كان مستغرب منها بس راح معاها الكافيه و كان عنده فضول يعرف هتقوله ايه عشان كدا سمع كلامها و راح يتكلم معاها
اتنهدت قبل لما تتكلم
٪ دلوقتي هسألك سؤال وعايزاك تجاوبني بكل صراحه .. انت بتحب رزان
يعني .. انا ..
٪ ياريت بكل صراحه يا اياد
ايوا بحبها
٪ تمام انا هساعدك انك تتقرب منها و هساعدك انها تحبك
بس فيه مشكله
٪ ايه هي
هي بتحب تميم و هي اصلا اتفقت معايا الاتفاق دا عشان يعترفلها بس مش عارف هو كمان بيحبها ولا لا
٪ ايوه بيحبها
حضرتك متأكده !!
٪ ايوا هو الي قالي بنفسه
طيب ليه عايزاني اتقرب منها و تحبني رغم انك عارفه انها بتحب تميم وهو كمان بيحبها انتي بتحبي تميم وبتعتبريه ابنك
٪ الكلام دا مش صح .. انا مش بكره ف حياتي قد تميم و امه
بقلم magnona chan
فلاش باك
وقت وفاه ابو تميم كان تميم لسا صغير و كان عنده ٥ سنين .. ام تميم كانت يتيمه ومكنش عندها اي قرايب يساعدوها فالمصاريف ف ابو رزان فكر و قالها انه هيبعتلهم كل شهر مصروف شهري ليها
