بقلم ندي محمد
غلطتك انا الي صدقت الي وصفلي الشارع ومشيت ورا كلامه
المهم انك بخير دلوقتي
حمدلله علي سلامتك يا رزان
الله يسلمك يا مازن
بقلم magnona chan
تميم بص ل اياد
شكرا يا إياد علي انقاذك بنت عمي .. واسف مره تانيه علي تصرفي معاك وقت لما شفتك اول مره
لا لا عادي اي حد مكاني كان هيعمل كدا
لا يا إياد انت الي شهم وجدع و قمر
اياد اتكسف و بص الناحيه التانيه
وكمان تميم عمل نفسه مش مهتم و بص بعيد عنهم وكان فباله كلام ايمن لما قاله ان البنات بتحب الرجاله الي بيتصرفو بشهامه
بعدها عدت ساعه كلها صمت و إياد نام من التعب
كان المكيف عالي فالقطر والجو برد
تميم فين البطانيه الخفيفه الي جبتها معاك عشان لو حسيت ببرد فالقطر
اخدتها وغطت بيها اياد
بس دي بتاعتك !
هو تعب عشاني طول اليوم و بعدين باين عليه بردان
بسخريه قال يعني ھيموت من البرد
لا مش ھيموت من البرد بس مش بحب اشوف قره عيني وهو بردان
انا هروح اسأل الكمسري فاضل اد ايه ونوصل ..
كان بيتمشي ف عربيات القطر لغايه لما اتطمن انه بعد عنهم بعدها خبط بقبضه ايده جمب الشباك لدرجه ان الي كانو قاعدين عالكراسي جمب الشباك اتخضو ف اعتذرلهم ومشي
ايوه مكنتش لاقيه
قالك ايه
عشر دقايق وهنوصل .. هصحي اياد
لا استني انا هصحيه
رزان حطت ايدها علي كتف اياد وهزته ب لطف
اياد قوم وصلنا
اياد صحي بسرعه لان نومه خفيف
نزلو من القطر و راحو لبيتهم بعد لما ودعو ايمن و مازن
انا هبات ففندق انهارده و هتصل ب ابوكي اخد منه معاد اتقدملك فيه
حالا اخدتو ارقام بعض .. مش كنتي تستني لما نشوف ابوكي هيوافق عليه ولا لا
هيوافق ان شاء الله
بعدها رزان وصفتله عنوان فندق كويس قريب من بيتهم و اياد شكرها ومشي
و لما اياد مشي طلعت هي و تميم العماره .. وهما عالسلم كانت بتغني اغنيه اليسا اجمل احساس فالكون انك عشقان پجنون
ايوه
تمام .. انا هروح اشوف امي
و فتح شقته بالمفتاح و دخل و قفل الباب
اما رزان ف كانت حاسه ان هو بيغير عليها بس بردو هتستمر فالخطه لغايه لما تتأكد بنسبه ١٠٠ فالميه
خبطت عالباب وهي مبسوطه
الام فتحتلها الباب
ماما انتي كنتي عايزاني ابطل رفض للعرسان و اتخطب صح
واحنا ف القاهره يا ماما قابلت واحد ساعدني وكان شهم جداا و انا بصراحه يا ماما يعني حباه و هو كمان جه معانا اسكندريه و اخد رقم بابا وهيكلمه
٪ بجد !! يعني اخيرا هتتخطبي ! تعالي تعالي احكيلي كل حاجه
عند اياد فالفندق
لما وصل الفندق وحجز اوضه قعد فالريسبشن
كان خلاص جاب اخره من الوحده وانه يقعد وحده ف نزل الريسبشن عشان يشوف الناس قدامه .. نظراته اتعلقت ب عيله سعيده .. ام و اب بيضحكو مع بعض و عيالهم حواليهم
وقتها حس انه اتسرع انه وافق علي اتفاق رزان .. هو اه نفسه يتقبل ك متدرب عند دكتور وخاصه لو دكتور مشهور بس هو كمان مش عايز يدخل فالتمثيليه دي .. هو طول حياته لوحده و يوم لما يدخل بيت يكون دي تمثيليه !
بس بعد تفكير طويل قرر يكمل فالتمثيليه لان خلاص هو اتفق معاها ومينفعش يرجع فكلامه
بقلم magnona chan
اليوم الي بعدو
اتصل بالاب و الاب رحب بيه جدا لان رزان اصلا حكتله عنه لما رجعت من السفر و قاله يجي النهارده لو حابب لان دا يوم اجازته من الشغل
و بمجرد لما رزان عرفت ان اياد جاي عندهم انهارده خبطت علي شقه تميم
نعم يا رزان
مفيش صباح الخير حتي اياد جاي يتقدملي انهارده وكنت حابه تكون معايا .. اكيد اتمني ان اخويا يكون معايا فيوم زي دا
اشمعنا المرادي م كل مره بيتقدمولك من غيري
غمزتله
انت عارف ان المرادي مختلفه يا تميم .. يعني خلاص اياد هو الانسان الي هتخطبله ف عايزاك تكون جمبي
بس انا مش فاضي انهارده
وراك ايه مثلا !
ورايا .. ورايا .. اه ورايا مذاكره
يعني حبكت تذاكر انهارده بليييز يا تميم خليك معايا بلييز
ماشي خلاص هلبس واجيلكم بطلي زن بقا
راحت شقتها وهي مبسوطه
اول مره اشوفك مبسوطه كدا يا رزان .. متشوق اشوف الانسان الي اخيرا عرف ينال اعجاب بنتي
هتحبه خالص يا بابي
لما نشوف
بقلم magnona chan
اياد لبس كلاسيك و بص علي نفسه فالمرايه قبل لما ينزل
الي يشوفني وانا قاعد بقالي ساعه بجهز يقول اني رايح اخطب واحده بحبها فعلا بس قمر يا اياد ايه الحلاوه دي بس
وبعد لما خلص من معاكسه نفسه ركب تاكسي و راح لبيت رزان
خبط عالباب و ابو رزان فتحله الباب
اتفضل اتفضل
و بعد لما قعد فالصالون خبط
