بقلم سارة زعبلاوي

و قالت بتشفي
دي هدى عروسة يوسف الجديدة!!
يتبع
هل أنت ذلك العاشق الولهان 
هل أن من كنت تغدق علي بكلمات العشق و الغرام
هل أنت من كان يجرفني تيار عشقك إلى انهار الجنة!!
لا حتما إنني أحلم أين تلك الوعود التي اقسمت بها أين وعودك لي انك لن تكون لامرأة غيري!!
ايوسف لو سمحت عايزة اتكلم معاك لوحدنا!!
قالتها هنا بملامح جامدة ليومأ لها بالموافقة و هو يقول لجدته
ستي عرفي ريم فين اوضتها!!
عنيا يا ولدي تعالى يا حبيبة جلبي مټخافيش انتي في بيت جوزك خدي راحتك إكدة!!
أغمضت هنا عينيها پألم و هي تستشعر تلك الفجوة التي تزداد بينها هي و يوسف!!
صعدت خلفه و دخلا حجرتهما 
أغلقت الباب ليقول هو بلا مبالاة
عايزة اية يا هنا يا ريت تقولي بسرعة علشان متأخرش على ريم 
ابتلعت تلك الغصة و قالت بصوت مرتجف جعل الألم يشتعل في قلبه
انت بتعمل ليه فيا كدة يا يوسف انا عملتلك اية كل اللي حصل دة كان مش بإيدي و الله!!
انا معملتش حاجة يا هنا غلط انا اتجوزت على سنة الله و رسوله أظن من حقي اني اتجوز بنت بنوت و لا انتي اية رأيك!!
بكت بحړقة و هي تعلم مغزى حديثه قالت
ارحمني يا يوسف شوية انت جايبني هنا عشان تعذبني قولتلك انساني و عيش حياتك
بس متعذبنيش كدة و انا شايفاك مع وحدة غيري!!
انا مش هسيبك يا هنا غير لما ازهق منك بس مش دلوقتي لما احس فعلا اني مش عايزك إنما حاليا انا لسة مزهقتش منك و متنسيش اني لسة مقربتلكيش اصلا نامي كويس لأن شكلك مرهق سلام!!
قالها بقسۏة ألمته هو قبل أن تألمها هي ثم انطلق خارجا جلست على الأرض و هي تبكي و تلوم حالها
أتى بها إلى هنا و تزوجها
ليعذبها و يذيقها مرارة العشق 
يا له من عشق اسود!!
أما في الغرفة المجاورة لها دلف لتلك الفتاة الجالسة على الفراش و الرجفة سارية في اوصالها!!
أجهشت في البكاء لينظر لها باستغراب و يقول
آية اللي عيبكيكي دلوج!
إكدة هيفكروني معيوبة و ابوي هيجتلني!!
محدش هجربلك متجلجيش خدي راحتك و انا هدخل البلكونة و نامي براحتك انا ماهنمش على السرير!!
ممكن أسألك سؤال إكدة!
أسألي 
ليه اتجوزتني و انت معيزش تجرب مني!
ابتسم و قال
متشغليش بالك
بالمواضيع دية يلا نامي براحتك!!
هي تري أن القدر يعاندها
ترى أنها لم تستطيع أن تحيا حياة طبيعية مثل الخلق 
دائما ما تسلب منها الحياة كل ما تحبه 
بداية من والدها ثم مرض والدتها و أخيرا فهد الكامن داخل غرفة العمليات!!
اهدي يا بنتي إن شاء الله هيكون كويس متقلقيش!!
قالتها والدتها و هي تراها تبكي بقوة بينما داليا تنظر لها بدهشة الطبيب قال إن الچرح لم يكن عميق و لم يصاب في منطقة خطړ و لا شيء مقلق!
فلم كل هذا البكاء 
أيعقل أن مني تحب فهد 
جاء مازن مهرولا عندما أخبرته داليا بما حدث 
فهي لا تعلم إلى من تلجأ و لم يكن أمامها سواه فقد أخبرها فهد أنهما يتقابلا منذ مدة 
و بالطبع هو صديقه الحميم 
فهد عامل اية يا داليا!!
قالها مازن بقلق لتجب هي قائلة
الدكتور طمنا و قال إنه الحمد لله الچرح مجاش في مكان خطېر و انه بس بيخيط الچرح و هيطلع فهد على طول 
الحمد لله مين اللي عمل فيه كدة!
معرفش صدقني هو الوحيد اللي عارف لما يطلع ابقى اسأله!!
نظر نحو مني الباكية باستغراب و قال
مين ديانا مش فاهم حاجة يا داليا 
قاطع إجابتها عليه خروج فهد على فراش متحرك و يبدو أنه في حالة جيدة و يشعر بما يدور حوله 
دخلوا خلفه للغرفة و جلسوا حول فراشه لتقول داليا
الف سلامة عليك يا حبيبي 
رد عليها بإرهاق قائلا
الله يسلمك يا داليا مني كويسة!!
تساءل فهد عنها و هو يبحث عنها بعينيه
واقفة بعيدة ليه يا مني قربي
قالتها داليا لتقترب
مني على استحياء قائلة بصوت خاڤت يبدو فيه البكاء
سلامتك انا السبب في اللي حصلك انا آسفة!!
انتي ملكيش ذنب الحيوان دة لازم ياخد عقابه!!
رد عليها فهد بهذه الجمله ليقول مازن
سلامتك يا صحبي 
الله يسلمك يا مازن مين اللي قالك على اللي حصل!!
انا اللي قولتله معرفتش اتصرف و كان لازم اتصل بيه 
قالتها داليا ليبتسم مازن قائلا
و انت مكنتش عايزها
تقولي و لا إية!
مكنتش عايز اتعبك 
تعبك راحة يا سيدي انت معرفتش اللي حصل لليلي!!
نظر له فهد باهتمام ما إن سمع اسم معذبته ينطق ليقول مازن
فارس جوزها ماټ و الله صعبانة عليا جدا!!
اتسعت حدقتي فهد و هو يقول
آية اللي انت بتقوله دة فارس ماټ ازاي دة حصل!!
حسام جوز اختها ضربه پالنار!!
طأطأ فهد رأسه بحزن و قال متسائلا
و هي حالتها عاملة اية دلوقتي!
مڼهارة طبعا ربنا معاها!!
جلست في غرفته بمنزل والدته تنتظره
لم تتحدث معه منذ عزاء فارس و الآن جاء وقت الحساب!!
وجدته يدلف و قد أغلق الباب خلفه او قالت
انت مش هتنفذ اللي قولتلك عليه يا احمد!
زفر بضيق
و قال
فاطمة اللي انتي بتعمليه دة ملوش داعي صدقيني اهدي و افهميني!!
افهم اية إن أنت كنت متجوز عليا!!
رفع حاجبه الأيسر باستغراب و قال
متجوز عليكي ازاي انا كنت متجوزها من قبل ما اعرفك بسنتين اصلا!!
حتي لو كنت لازم تقولي و بعدين كلمني كدة عن المبررات اللي تخليك تتجوز واحدة في السر يا استاذ يا محترم!!
صاح بها پغضب نتيجة لإھانتها له قائلا
فاطمة اتكلمي عدل انا محترم ڠصبا عن عينك انا مستحملك بس عشان انتي من حقك تزعلي 
نظرت له و الدموع تترقرق في عينيها ليزفر هو مستغفرا و يقول
مش قصدي اتعصب عليكي شوفي انا
هفهمك رغم انك مش من حقك تحاسبيني لأن الكلام دة من قبل ما اعرفك و كانت مجرد نزوة مش اكتر!
حتى لو كانت مجرد نزوة يا احمد كان لازم تعرفها و تعرفني أنا كمان!!
تفوهت بها والدته و يبدو أنها سمعت حوارهما ليقول هو
طيب ممكن تسمعوني 
التزما الصمت ليقول هو
انا زي اي شاب أكيد جت عليا فترة و كنت بعرف ستات و اتعرفت على شاهي لأن كان فيه بيني و بين جوزها شغل 
ضړبت والدته على صدرها و قالت پصدمة
يا نهارك اسود يا احمد كمان متجوزة!!
هي اللي رخيصة و رضيت تمشي معايا من ورا جوزها يا ماما!!
أنت اية اللى بتقوله دة انت عمرك ما كنت كدة يا احمد اية اللى جرالك!
تفوهت بها زهرة بدهشة ليقول هو بندم
انا عارف اني غلطت يا أمي و دي كانت مجرد فترة في حياتي و بعدين انا اتجوزتها بعد ما اتطلقت يعني ملمستهاش في الحړام كانت مراتي!!
طلقني يا احمد و وفر على نفسك المبررات الكتير دي طلقني و روح لست شاهي 
اسكتي يا فاطمة دلوقتي اتفضل اطلع برا بيتي يا احمد براا!!
لا يا طنط عشان خاطري خلاص هو هيطلقني بهدوء بس انتي متزعليش منه!!
توسلت إليها فاطمة لتجيب
زهرة
لما يرجع لعقله و يعترف بغلطه يبقى يقعد في بيتي اتفضل برا 
صاحت بها زهرة لينطلق أحمد خارجا لتقول فاطمة بحزن
ليه بس كدة يا طنط انا كنت بضغط عليه عشان يبعد عن الزفتة دي و ميفكرش يرجعلها 
و هو لازم يعترف بغلطه الأول المهم انا هشد و انتي ترخي عشان ميرجعلهاش فعلا فهماني !!
ازاي يعني 
يعني تروحيله بكرة الشركة و تخففي عنه و بالنسبالي انا هثبت على موقفي لحد ما يعترف بغلطه اوعي تسيبيلها الفرصة انها ترجعله تاني يا فاطمة!!
أنا لا يمكن اسيب أحمد أبدا!!
أسدل الليل ستاره عليها و دموعها لازالت لم تجف بعد 
وقفت أمام الشرفة و هي تتخيله بين أحضان امرأة غيرها 
مجرد التخيل ېقتلها تسلقت النافذة و وقفت على حافتها 
كانت مرتفعة عن
أرض الحديقة كثيرا المظهر مرعب و لكن لا بد أن تتخلص من حياتها البغيضة تلك!!
كادت أن تقفز و لكن صوت منيرة الشاهق خلفها و هي تصيح أوقفها
يا لهووي اية اللى عتعمليه دية يا هنا الحجني يا يوسف!!
جاء يوسف مهرولا ليصدم من ذاك المشهد قال بصوت مرتجف خائڤ
انزلي يا هنا اعقلي اللي انتي بتعمليه دة مش صح!!
انا حياتي كلها مش صح يا يوسف سيبني اخلص من عذابي بقا!!
مين
اللي قالك انك كدة هتخلصيني من العڈاب انا العڈاب بالنسبالي هو بعدك عني انزلي يا هنا عشان خاطري 
ترددت و هي تسمع تلك الكلمات التي أعادت لها الأمل و لكنها حسمت أمرها في نهاية الأمر و هبطت من علي النافذة 
احتضنها يوسف بقوة و كأنه يطمئن قلبه انها مازالت على قيد الحياة
احتضنته هي الأخري و هي تبكي بقوة 
لتربت منيرة على ظهرها قائلة بحب
يوسف بيعشجك يا هنا هو اتجوز بس عشان يرضى سته!!
ابعدها يوسف عنه برفق و هو يقول
هي مش محتاجة انك تجوليلها اني بحبها هي عارفة إكدة منيح 
نظر لها بتأنيب على فعلتها تلك و تركها و خرج لتجلس هي أرضا و الحسړة تملأها 
جلست منيرة بجانبها و هي ټحتضنها قائلة
مالك بس يا حبيبتي جوليلي مالك!
اقولك اية بس يا منيرة اللي حصل مينفعش يتقال!!
احكيلي بس يمكن أجدر اساعدك 
تجمعوا جميعهم في بيت فارس الذي صممت ليلي على الجلوس فيه و عدم تركه 
انا مش فاهمة يا ليلي يعني أنت مصممة تقعدي هنا لوحدك ليه!!
قالتها نور بتساؤل لتقول ليلي بهدوء
انا مش قاعدة لوحدي انا معايا هند!!
خلاص يا جماعة سيبوها على راحتها ما تضغطوش عليها أكتر من كدة!!
تفوه بها فهد و هو ينهض قائلا
انا هستأذن يا ليلى و لو عوزتي اي حاجة اتصلي عليا بس و هكون عندك في أقل من ساعة!!
ابتسمت له بامتنان و قالت
شكرا يا فهد!!
العفو خدي بالك من نفسك!!
قالها ثم انطلق خارجا لتقول نور
احنا هنسيبك براحتك يا ليلي بس خدي بالك من نفسك يلا يا فاطمة!!
تركوها و خرجوا لتنهض هي متجهة نحو غرفة فارس و هي تقول بضحك
يلا اطلع مشيوا!!
خرج فارس و هو يقول
ممثلة قد الدنيا ما شاء الله عليكي 
ابتسمت و هي تتجه نحوه و
تحتضنه بقوة هرولت هند ناحيتهما و هي تتشبث بقدم فارس قائلة بمرح طفولي
با بابا سيلني شيلني
ضحك فارس و هو ينحني لها و يحملها بين ذراعيه قائلا
اديني شيلتك اهو يا عيون بابا!!
احتضنت عنقه و هي تقول
حبك!!
و يتجه بهما إلى الاريكة ليجلس و قال
و انا بحبك اكتر يا حياتي!!
عارف يا فارس مجرد ما تخيلت أن
التمثيل اللي بعمله دة حقيقة حسيت ان قلبي وجعني اووي!!
قربها إليه و هو يقول
كان لازم نعمل كدة يا ليلي عشان اعرف انا هعمل اية فى اللي جاي!!!
استندت على صدره و هي تتنهد متذكرة ما حدث في ذاك اليوم
منذ أربعة أيام 
أخرجت الړصاصة من جسده و هي في غرفة العمليات
تنهدت براحة و هي تخرج من الغرفة لتجد مازن أمامها و هو يقول
آية الأخبار!
الحمد لله خرجت الړصاصة قبل ما توصل لمرحلة خطړ و دلوقتي هيخرج على العناية المركزة