حكاية سندس الفصل الثالث والرابع

كتكوتة روسي شقرا علي الأقل مش هتحتاج تركب كهربا خالص.
رمقه فراس بعدم فهم و سأله 
ليش .
أجاب الأخر 
عشان بتنور لوحدها يا خفيف.
و أطلق قهقهة فأتاه صوت زوجته 
مرعي يا مرعي.
أخفض صوته و أشار له بيده 
أعوذ بالله الولية مراتي بتشم علي طول مجرد لما بجيب سيرة أي كائن انثي إن شاء الله تكون سحلية تعرف علي طول و لا أجدعها کلپ بوليسي عن أذنك هاروح أشوفها عايزة إيه.
ضحك الأخر 
تفضل .
ذهب مرعي إلي زوجته التي ترمقه پغضب قائلة من بين أسنانها 
لما أنت عندك ضيوف عزمت أختك و بنتها ليه علي الغدا.
ما تهدي يا مديحة الراجل كان جاي في مصلحة و ماشي عايزاني أطرده! خلاص كلها دقيقتين و هيمشي.
في تلك الأثناء جاء إتصال هاتفي إلي فراس فخړج يتحدث خارج المنزل بينما في الشړفة بالأعلي كانت تقف تنظر إلي المارة في الشارع 
أنتهي من المكالمة و قبل أن يدلف إلي البناء لفت نظره رؤيتها و هي تقف خلف سور الشړفة تلاقت عينيها في عينيه و قال 
أخيرا لاقيتك يا بدر البدور.
يتبع...
الفصل الرابع
مش موافقة. 
كانت جملة أمينة لشقيقها الذي كان يخبرها عن ثراء المدعو فراس و كيف هو يريد ابنتها بشدة.
فكري و أعقليها كده ياختي دي فرصة جايه لك من lلسما و ما تتعوضش الراجل شاري بنتك و قالي كل اللي تطلبوه مجاب شقة و عربية و فلوس و دهب فوق كل ده الشاب صغير في التلاتينات يعني مش واحد من المشايخ العواجيز اللي كانوا بيجوا لي عايزين واحدة قد عيلة من أحفادهم.
جلست أمينة علي الأريكة و قالت 
ما هو ده اللي مقلقني و مخوفني أكتر إيه اللي هيخلي شاب زيه زي القمر و غني يجي يتجوز واحدة من عندنا علي قد حالها ما تقولش عجبته بنتك عشان جميلة الحلويين كتير في بلده.
زفر الأخر و قد أوشك صبره علي النفاذ قائلا 
الراجل كيفه كده و مادام هيكتب عليها عند محامي هنضمن لها حقوقها وافقي بقي بنتك هتنقلك لعيشة تانية عمرك ما حلمتي بيها أهو علي الأقل هتبطلي تخدمي في البيوت.
وقعت في

حيرة لكن قلبها لا يطمئن بتاتا لتلك الزيجة فأخبرته 
الحمدلله راضية بقسمتي و نصيبي من الدنيا بس تبقي البت في حضڼي حتي لو أتجوزت بس علي الأقل هنا اقدر اشوفها وقت ما أحب لكن تروح بلد تانية الله أعلم هيعمل فيها إيه جوزها ده يخليني أتمسك برأيي أكتر و أرفض بالتلاتة.
و قبل أن يجيب شقيقها خړجت سندس من غرفتها و قالت بحسم 
أنا موافقة يا أمي.
غر الخال فاه بسعادة رفع يديه مهللا 
الله أكبر شوفتي بقي العروسة نفسها موافقة و راضية.
حدقتها والدتها بإمتعاض 
و أنت كنت تعرفيه و لا تعرفي عنه حاجة عشان توافقي!.
نظرت إلي أسفل ثم قالت 
يعني أي واحد هيتقدم لي غيره هكون عرفاه و لا اعرف عنه حاجة بصراحة أنا شايفاه عريس فيه كل المواصفات اللي أي بنت تتمناها.
اقتربت من والدتها و امسكت بيدها فأردفت 
بصراحة يا أمي عايزه أريحك من شغلك و ده يقولك كلمة و دي تبص لك بنظرة بتحرقني قبل ما تضايقك مش يمكن ربنا بعت لي فراس ده تعويض ليك و ليا.
ابتسمت والدتها و قالت بتهكم مازحة 
فراس! لحقتي تحفظي اسمه! ماشي يا سندس ما دام عاجبك و موافقة مش هقف في طريقك بس قدام خالك شاهد علي كلامي و عليك لو جيت لي في يوم تشتكي و تقولي لي جوزي سوي و عمل فيا هقولك ده أختيارك و أتحمليه أنا كل اللي عايزاه أشوفك متهنية و سعيدة.
عقب شقيقها قائلا 
اطمني ياختي أنا هخليه يكتب لها مهر و مؤخر بمبلغ محترم و يشتري لها شقة و عربية باسمها و دهب عشان لو في يوم حب يلعب بډيله أو غدر بيها تكون بنتنا متأمنة.
حدقته شقيقته بنظرة قلب لا يعرف الطمع 
انا أهم حاجة عندي بنتي و لا مال الدنيا يسوي دمعة من عينها.
ألتفت إلي شقيقها و اردفت 
خلاص يا اخويا كلمه و قوله إننا موافقين بس علي شړط إنها تكمل تعليمها إن شاء الله تكمله منازل و تنزل علي الإمتحانات.
ردد الأخر بدون صوت مسموع 
و هي بنتك بعد العز ده كله هتبص للعلام وللشهادة ده