شغفـ،ـها عشقاً الفصل الرابع

ارتمى بين ذراعيه و أخبره:

"نجحت بتقدير إمتياز و سمعت أخبار حلوة من إدارة الكلية عن تعيين المعيدين و إحتمال كبير ابقي معيد"

ربت والده على ظهره بفرح مُهللاً:

"ألف ألف مبروك، ربنا يوفقك يا بني و يعلي مراتبك كمان و كمان"

انسحب من بين ذراعي والده قائلاً:

"يارب يا والدي، و برضو هيفضل مكاني فى المحل زى ما أنا"

وضع يعقوب يده على كتف ابنه فقال:

"المحل محلك يا ابني، و كل ما أملك بتاعك أنت و أخواتك، و واثق إن على إيديك هتبقى سلسلة المحلات هيبقي ليها فروع فى كل محافظة"

أوﻤأ إليه و بثقة أخبره:

"اطمن يا بابا و مش بعيد يكون عندنا مصنع و بنصنع و نبيع فى نفس الوقت"

"إيدي على كتفك و الفلوس جاهزة و أنت بقيت خريج إقتصاد و علوم سياسية قد الدنيا، و على رأى المثل إدى العيش لخبازه"

عقب الأخر على حديث والده قائلاً:

"بإذن الله يا بابا"

"كدة فاضل حاجة واحدة بس"

نظر إليه باستفهام و سأله:

"حاجة إيه؟"

أجاب مبتسماً:

"العروسة"